2 isla sa Subic pinauupa sa mga Tsino, pinasisilip sa Senado
MANILA, Philippines — Hiniling ng isang advocacy group sa Senado na silipin ang balitang isang Chinese na kompanya lang ang namamahala sa dalawang isla na matatagpuan sa Subic, Zambales.
Sa isang statement, sinabi ng Kilos Pinoy Para Sa Pagbabago na imbestigahan ang Subic Bay Metropolitan Authority (SBMA) tungkol sa balita na ipinaupa nito ang Grande at Chiquita islands sa iisang kompanyang Tsino.
Hiniling ng nasabing grupo kay Sen. Richard Gordon, chairman ng Senate Blue Ribbon Committee, na imbestigahan ang report na isang Chinese firm lang ang umuupa sa Grande at Chiquita Islands sa Subic.
“We have had enough on the intrusions in our exclusive economic zone. We cannot and should never allow intrusions right into the Philippine territory in the name of foreign investments and economic cooperation,” diin ng grupo.
Ang tinutukoy ng Kilos Pinoy ay ang sinasabing $298 milyon na proyekto ng GFTG Property Holdings at Sanya CEDF Sino-Philippine Investment Corp. kung saan ide-develop ang Grande at Chiquita islands na nasa pamamahala ng SBMA.
“Hindi for sale ang mga isla ng Pilipinas,” dagdag ng Kilos Pinoy.
- Latest
