Frontliner ng barangay tiklo sa droga
TUGUEGARAO CITY, Cagayan, Philippines — Arestado ang isang frontliner sa pagsugpo ng COVID-19 matapos masamsaman ng droga sa kanyang bahay sa Brgy. Bulala, Camalaniugan, Cagayan noong Linggo.
Sinabi ni Captain Aleeh Bacuyag, hepe ng Camalaniugan Police Station na kaagad dinakma ng mga operatiba si Margaret Garceron, 32, isang barangay health worker, matapos makuha sa pag-iingat nito ang isang pouch na naglalaman ng apat na sachet ng shabu.
Ginawa ng awtoridad ang paghalughog sa teritoryo ni Garceron sa bisa ng search warrant na ipinalabas ni Camalaniugan MTC Judge Nora Medinaceli-Dorado.
Ayon kay Bacuyag, sumawsaw sa Oplan Tokhang noong 2016 si Garceron na tinaguriang isang high value target at nagtapos ng rehabiltasyon noong 2019.
- Latest