7 BIFF sumuko sa military
NORTH COTABATO, Philippines — Pitong miyembro ng Bangsamoro Islamic Freedom Fighters (BIFF) ang sumuko sa tropa ng militar sa headquarters ng 2nd Mechanized Battalion sa Brgy. Midtimbang, Datu Anggal Midtimbang, Maguindanao, ang inulat ng 6th Infantry (KAMPILAN) Division, kahapon.
Ayon kay Major General Juvymax Uy, Commander ng 6ID at ng Joint Task Force Central na ang mga dating rebelde ay mga nakipagbakbakan sa tropa ng pamahalaan at tuluyang sumuko dahil sa programa ng gobyerno na ibinibigay sa kanila.
Batay sa ulat, ang anim ay mga residente ng Brgy Kalumamis, Guindulungan, Maguindanao habang ang isa naman ay residente ng Brgy Kitapok, Datu Saudi Ampatuan, Maguindanao.
“Ang pagbabalik-loob ng ating mga kapatid ay patunay na naniniwala sila sa kapayapaang inaalok ng ating pamahalaan” pahayag ni Lt. Col. Omar Orozco, Commanding officer ng 2nd Mechanized Battalion.
Kabilang sa mga isinuko ng mga ekstremistang grupo ay ang bitbit nilang armas na isang 60mm mortar, isang Cal .50 Sniper rifle, 5.56mm M16A1 rifle, M1 Garand Cal .30 at M1 Garand Cal .30 converted to M14 rifle.
- Latest