Wanted na holdaper, naaresto
BACOOR CITY, Cavite, Philippines — Isang lalaki na wanted sa mga insidente ng panghoholdap sa Metro Manila ang naaresto ng mga otoridad, kamakalawa.
Kinilala ang suspek na si Michael Bergado, nasa hustong gulang, walang permanente na tirahan, kanang kamay at miyembro umano ng Eagle Drug Group Syndicate.
Sa ulat mula sa tanggapan ni Cavite Provincial Director Police Col Marlon Santos, alas-10:15 ng umaga ng magsagawa ng warrant operation ang pinagsanib na puwersa ng HPG Cavite at Bacoor City sa Alcoba St., Salinas ng lungsod na ito.
Bitbit ang warrant of arrest na inisyu ni Hon. Mildred Jacinto Marquez, presiding judge ng Family Court Branch 2, NCR judicial region, Las Piñas City para sa kasong violation of RA 9262 at hindi na nakapalag pa ang suspek nang ito ay masakote.
Narekober sa suspek ang 1 Cal.45 pistol na walang serial number ; 1 magazine ng Cal. 45 na loaded ng mga bala at 1 granada.
Si Bergado ay wanted sa kasong violation of RA 9262 at kilala itong hard core member ng nasabing grupo na nag-ooperate sa buong NCR at Region 4A.
Kamakailan lamang ay nasangkot ang kanyang grupo sa sunud-sunod na holdapan at carnapping at isa sa mga biniktima ng mga ito ay ang Chinese National na si Yiping Liu ng SMDC Breeze residences, Pasay City.
- Latest
