Ex-call center agent huli sa droga
BAGUIO CITY, Philippines — Isang babae na dating call center agent at hinihinala ngayong full-time drug pusher ang nalambat ng Philippine Drug Enforcement Agency (PDEA) sa ikinasang buy-bust operation noong Huwebes ng hapon sa Brgy. Campo Filipino, dito.
Agad hinuli si Mary Grace Aviles Limjap, 46, nang bentahan niya ng isang sachet ng shabu ang isang undercover PDEA agent.
Nakuha pa ang dalawang sachet ng shabu mula kay Limjap na may kabuuang bigat na .7 grams.
Ayon kay PDEA-Cordillera director Gil Castro, ang pagka-adik din ni Limjap sa droga ang nagtulak sa kanyang iwan ang legal na pinagkakakitaan nito at tuluyan nang tumutok sa pagbebenta ng ilegal na droga.
Ayon pa sa opisyal, una nang nahuli noon si Limjap ng mga pulis dahil din sa droga samantalang suki rin siyang i-report ng mga kapitbahay niya sa City Camp Proper dahil sa illegal na negosyo nito sa parokyano niyang call center agents, mga kabataan at tsuper ng taxi at jeepney.
- Latest
