Jeep vs pickup: Driver dedo, 6 sugatan
MANILA, Philippines — Patay ang driver ng pampasaherong jeepney habang anim pa ang sugatan nang makasalpukan nito ang isang pickup truck kamakalawa ng tanghali sa Sultan Kudarat, Maguindanao.
Kinilala ni Sultan Kudarat Police chief Maj. Julhamin Asdani, ang nasawi na si Mohammad Nor Guiamad Kadil, 55, habang sugatan ang mga kasama nitong sina Diokno Kadil, 56; Geraldo Segundera, 73, at 8-anyos na bata; pawang residente ng Brgy. Poblacion, Datu Piang, Maguindanao.
Ginagamot din sa ospital ang driver ng pickup truck na si Benjamin Labay Malang, 53, at mga kasamang sina Nelson Adil, 26, at Norhaina Mamadra Datumanong; pawang naninirahan sa Brgy. Salimbao, Sultan Kudarat.
Batay sa imbestigasyon, alas-12:15 ng tanghali nang maganap ang aksidente sa Barangay Ladia, Sultan Kudarat. Magde-deliber ng arina si Kadil nang makabangga nito ang pickup na minamaneho ni Malang.
Nasa magkabilang linya ang dalawa nang biglang magsalpukan na ikinamatay ni Kadil at ikinasugat ng anim na iba pa.
- Latest