Dayo timbog sa droga sa Bangka
MARIVELES, Bataan, Philippines — Natimbog sa isinagawang buy-bust operation ang isang dayong lalaki na gumagamit pa ng bangka sa pagtutulak ng ilegal na droga mula sa Naic, Cavite patungo sa bayang ito, kahapon.
Kinilala ni Mariveles Police chief Lt. Col. Cesar ang suspek na si Renato Capuli Gallardo, 49- anyos at residente ng Balon Anito, Mariveles, Bataan. Nakumpisa sa kanya ang 8-sachet ng pinaghihinalaang shabu na nasa P20,000 ang street value.
Nakatanggap ng impormasyon ang pulisya na darating ang suspek na sakay ng isang bangka kung kaya isa nilang asset ang nagsilbing poseur buyer nang dumaong na sa pampang ang bangkang sinasakyan ng suspek. Matapos magkabilihan, gamit ang P1,000 marked money ay dito na inaresto ang suspek.
Depensa naman ng suspek, ipinakisuyo lamang umano sa kanya na ibiyahe sa pamamagitan ng bangka ang nasabing droga.
- Latest