Trike sumampa sa center island, driver dedo
CAVITE , Philippines — Patay matapos na diretsong rumampa sa Center island ang minamanehong tricycle ng Isang 34-anyos na mister habang bumabagtas sa kahabaan ng Congressional Road, Brgy. Poblacion 4, Gen. Mariano Alvarez, dito sa lalawigan.
Patay agad sa insidente ang biktimang si Eric Aguilar, 34- anyos, may asawa, residente ng B10, L40 Barangay Aldiano Olaes, GMA, Cavite.
Sa imbestigasyon ng pulisya, alas-11:30 ng gabi habang minamaneho ng biktima ang kanyang tricycle sa nasabing lugar nang mawalan ng kontrol sa manibela dahil sa sobrang bilis ng patakbo nito kung kaya tuluy-tuloy itong rumampa sa center island.
Wasak ang tricycle ng biktima na kanyang ikinaipit at inabot pa ng may mahigit kalahating oras bago siya naitakbo sa Carsigma Hospital.
Pero dahil sa maselang lagay, agad nilipat ang biktima sa East Avenue Medical Center at dito na siya binawian ng buhay habang ginagamot.
- Latest