2 ‘tulak’ utas sa buy-bust sa CamSur

MANILA, Philippines — Dalawang tulak umano ng droga ang napaslang matapos manlaban sa isinagawang anti-illegal drugs operation ng mga awtoridad sa Sipocot, Camarines Sur kamakalawa ng gabi.

Kinilala ang mga napatay na suspek na sina Bartolome Lawsin, 33, at Ronald Aragon, 32, kapwa residente ng Barangay Tara sa naturang bayan.

Sa ulat ng Camarines Sur Police Provincial Office (CSPPO), aarestuhin na sana ng mga otoridad ang mga suspek matapos na magposi­tibo ang buy-bust ng poseur buyer dakong alas-10 ng gabi nang tumakas sila gamit ang kanilang sasakyan hanggang sa magkahabulan at magpalitan ng putok.

Bunsod nito, bumulagta ang dalawang suspek dahil sa mga tinamong mga tama ng bala sa katawan.