Supplier ng shabu sa Northern Luzon timbog sa P.4 milyon buy-bust

TUGUEGARAO CITY, Cagayan, Philippines — Uma­bot sa P.4 milyong ha­laga ng ilegal na droga ang nasamsam ng mga ahente ng Philippine Drug Enforcement Agency-Cordillera mula na naarestong “tulak” kasunod ng inilatag na buy-bust operation sa Barangay Santo Tomas Proper, Baguio City kahapon.

Kinilala ng pulisya­ ang natimbog na si Junnel Soriano na sinasabing kasapi ng isang malaking drug group sa Northern Luzon.

May timbang na hu­migit-kumulang sa 50 gramo ang shabu na nakuha kay Soriano, dagdag ng report.

Ayon sa PDEA, ang nakuhang droga sa suspek ay nakatakda sana nitong i-supply sa mga drug group na nag-o-operate sa mga border ng Northern Luzon.