3 sundalo, 2 pa todas sa ambush!
NORTH COTABATO, Philippines — Patay ang tatlong sundalo at dalawang sibilyan matapos silang pagbabarilin habang patawid ng ilog sa Poona Piagapo, Lanao del Norte, iniulat kahapon ng Western Mindanao Command.
Ang mga nasawi ay kinilala ng Poona Piagapo Police na sina Corporal Albert Saura, Corporal Bryan Binayog at Private Albert Soriano; pawang miyembro ng 3rd Company ng 4th Mechanized Infantry Battalion; habal-habal driver na si Camilo Andog alias “Taba Buwaya” at isang Hadji Amen Sumagumba na nagkataong napadaan lang sa lugar.
Lumabas sa imbestigasyon na habang tumatawid sa ilog ang tatlong sundalo lulan ng inarkilang habal-habal na tricycle patungong Pantao Ragat, Lanao del Norte nang sila ay pagbabarilin ng mga armadong suspek na sakay ng motorsiklo.
Si Ustadz Sumagumba ay sakay ng pickup truck at patawid sa ilog nang aksidenteng tamaan ng ligaw na bala na kanya ring ikinasawi sa insidente.
- Latest