Kagawad na HVT tiklo sa droga
CASTILLA, Sorsogon, Philippines — Kalaboso ang isang barangay kagawad na itinuturing na high value target (HVT) at nasa recalibrated drug watchlist ng lalawigan matapos na maaresto sa ginawang buy-bust operation ng mga pulis at ahente ng Philippine Drug Enforcement Agency (PDEA) sa Purok-3, Brgy.Milagrosa ng bayang ito kamakalawa ng hapon.
Hindi na nakatakas makaraang mabilis na arestuhin ang suspek na kinilalang si Brgy. Kagawad Adonis Martinez Valino, 36-anyos, may asawa at residente ng nasabing barangay.
Ayon sa ulat, matagal umanong minanmanan ng mga pulis ang malawak na drug operation ng suspek sa lalawigan ng Sorsogon hanggang ilatag ang buy-bust operation dakong alas-3:40 ng hapon.
Nang iabot ni Valino ang isang sachet ng shabu na nagkakahalaga ng P2,500 sa posuer buyer ay agad siyang dinakma ng mga nakatagong operatiba.
Nakuha rin sa suspek ang tatlo pang malalaking sachet ng shabu.
- Latest
