Guro itinumba ng naka-face mask
RIZAL, Nueva Ecija, Philippines — Nasawi ang isang public school teacher makaraang barilin ng hindi pa tukoy na salarin na naka-face mask sa kanyang bahay sa Brgy. Poblacion Norte ng bayang ito noong Lunes ng hapon.
Kinilala ng pulisya ang biktima na si Richard Peñaflor, 31, binata, at residente ng nasabing lugar.
Ayon kay P/Senior Master Sergeant Marlon Concepcion,nakaupong nagpapahinga umano ang biktima sa veranda ng kanilang bahay, bandang ala-1:30 ng hapon nang siya ay barilin ng isang gunman.
Nakita sa CCTV footage na ang salarin ay nakasuot ng maong na pantalon, puting t-shirt, may face mask at bull cap at kaswal lang umanong naglakad palayo sa crime scene.
“Nakarinig lang po ako ng putok kaya pumasok ako sa compound, then nakita ko may lalaking nagmamadaling lumabas. Nang lumapit ako sa terrace, nakita ko ‘yung kapatid ko na nakahiga na sahig,” ayon sa kapatid ng biktima na si Jay.
- Latest