Nakaparadang trak sinuwag ng motor: 1 dedo, 1 kritikal
CAVITE, Philippines — Patay ang isang angkas na lalaki habang kritikal ang nagmamaneho ng kanilang sinasakyang motorsiklo matapos silang sumalpok sa nakaparadang truck sa gilid ng kalsada habang bumabagtas sa kahabaan ng Mindanao Avenue, Samaka Site, Brgy. Gavino Maderan, bayan ng GMA.
Ang nasawi ay kinilalang si Richard Querioso, nasa hustong gulang, ng Block 6 lot 3, Brgy. Lumbreras, GMA, Cavite habang kritikal ang kasama nitong Onesimo Timcang ng Phase 5 Narra 1, Bulihan, Silang, Cavite.
Sa imbestigasyon ni P/Mater Sgt. Jonarey Visca, dakong alas-12:30 ng madaling araw habang magkaangkas sa Kawasaki Barako motorcycle (plate#3143 VP) ang mga biktima at bumabagtas sa nasabing lugar nang kanilang sakupin ang kabilang lane ng kalsada.
May kabilisan din umano ang takbo ng motorsiklo kung kaya hindi na nakapagpreno si Timcang at tuluy-tuloy na sumalpok sa nakaparadang UD Truck/tractor (NCE 1282).
Kapwa tumilapon ang mga biktima na agarang ikinasawi ng nabanggit na backrider habang inoobserbahan ang lagay ng kasama.
- Latest