Bata namulot ng paputok, wasak ang kamay
MALOLOS CITY, Bulacan, Philippines — Sa kabila ng kaliwa’t kanan na paalala ng mga otoridad sa pag-iwas sa paggamit ng malakas na uri ng paputok, may mga nakalulusot pa rin matapos na isang 10-taong gulang na batang babae ang nawasak ang kamay sa pagsalubong ng Bagong Taon sa bayan ng Paridel.
Ang batang biktima ay agad dinala sa emergency room ng Bulacan Medical Center makaraang maputukan ng malakas na uri ng paputok sa Brgy, Banga 2nd Plaridel, Bulacan.
Sa ulat, ala-1:00 ng hapon habang masayang nanonood ng kasiyahan ang magpinsan nang bigla na lamang silang makarinig ng malakas na pagsabog ng paputok at dito na nila nakita ang wasak na palad ng bata.
Samantala, hindi naman maidilat ni Michael Pascua, 29, ang kanyang kanang bahagi ng mata ng Brgy. Batia, Bocaue, Bulacan matapos itong tamaan ng pagputok ng ligaw na kwitis ganap na alas-11:00 ng gabi. Aniya, nabigla na lamang siya nang sumabog sa kanyang harapan ang ligaw na kwitis.
- Latest
