Bebot pinasabog ang bungo ng nakamotorsiklo
CABANATUAN CITY, Nueva Ecija, Philippines — Sabog ang bungo ng isang babae makaraang barilin nang malapitan ng isang lalaking sakay ng motorsiklo habang naglalakad sa kalsada sa may Purok Acacia,Barangay Pangatian,kahapon.
Ang biktima ay tinatayang nasa 28-30 ang edad bagama’t may nakitang voter’s identification card sa kanyang mga gamit ay hindi pa masabi kung ito ay ang pangalan.
Sa ulat na natanggap ni P/Lt. Col. Barnard Dannie Dasugo, hepe ng pulisya rito, bandang alas-2:30 ng hapon ay naglalakad ang biktima sa lugar patungo sa Barangay Bangad nang may isang motorsiklong Honda TMX ang huminto sa kanyang daraanan at bumaba ang suspek na nakasuot ng itim at pulang jacket.
Ilang sandali ay bumunot ng baril ang suspek at binoga sa ulo ang biktima na agad nitong ikinasawi.
Agad namang tumakas patungo sa downtown ng Cabanatuan ang suspek.
- Latest
