Mayor Soriano, itinanggi ang signature campaign vs MECQ sa Tuguegarao City

TUGUEGARAO CITY, Philippines — Itinanggi ni Mayor Jefferson Soriano ang nagaganap na signature campaign sa pagtututol ng ipinatutupad na 30-araw na Modified Enhanced Community Quarantine (MECQ) sa kanyang teritoryo kahapon.

Sinabi ni Soriano na marahil, inisyatibo ng mga sektor sa lungsod ang hakbang dahil sa nararanasang kahirapan at pagkalugi ng negosyo dulot ng sunud-sunod na lockdown.

Ayon kay Soriano ma­tinding depresyon na ang nararanasan ng mga namumuhunan lalo at mata­taon sa Kapaskuhan at Bagong Taon ang lockdown na nais ipatupad ni Cagayan Gov. Manuel Mamba.

Gayunman hindi sumagi sa kanyang isipan na isagawa ang mangalap ng pirma gayong kasalukuyan nilang ginagawa ang position paper sa pagpapaliban ng MECQ na inaasahang maisusumite sa RIATF.

Naunang nagpahayag ng pagkabahala si Gobernador Mamba sa nangyayaring paglobo ng kaso ng COVID-19 sa Tugue­garao na nakapagtala na ng 107 aktibong kaso.