Parak nabaril ang sarili, patay!
MANILA, Philippines — Patay ang isang parak makaraang aksidenteng mabaril ang sarili sa gitna ng mainitang pakikipagtalo sa isang asset ng pulisya sa Cadiz City, Negros Occidental kamakalawa ng gabi.
Sa ulat ng Police Regional Office (PRO 6, kinilala ang biktima na si Staff Sgt. Bernie Sales, 37-anyos, intelligence operative ng Sagay City Police sa lalawigan.
Base inisyal na imbestigasyon, dakong alas-8 ng gabi, habang nakikipagpulong ang biktima sa tatlo nilang assets sa may Brgy. Zone 4 nang magkaroon umano ng mainitang pagtatalo sa pagitan ng una at isa sa mga informants. Kinuha umano ng nasabing parak ang baril niyang cal. 9mm pero tinangka umano siyang awatin ng isang asset pero aksidenteng pumutok ito at tumama sa katawan ng una.
Agad na isinugod ang biktima sa pagamutan pero idineklarang dead-on-arrival. Sinisiyasat pa ng pulisya kung may “foul play” sa insidente.
- Latest