Faith healer, itinumba
MAKILALA, North Cotabato, Philippines — Namatay noon din ang isang faith healer o albularyo nang ito ay barilin ng isang lalaki kamakalawa sa Purok 28, Brgy. Poblacion sa nasabing bayan at lalawigan.
Ang nasawi ay nakilalang si Ulysses Manligro Mirabueño,residente ng Barangay San Vicente ng nasabing bayan.
Ang suspek na agad naman nadakip ay nakilalang si Robin Sarol Lonzaga,residente ng Brgy.Sto Niño.
Sa ulat, alas-7:30 ng umaga ay sakay ang biktima ng kanyang motorsiklo at patungo sa Tulunan nang ito ay lapitan ng suspek na nakasuot ng bonnet at nakamotorsiklo din at pinagbabaril na agad nitong ikinasawi.
Ilang nakasaksi sa krimen ang nagturo sa pulisya kung sino ang suspek na isa umanong hired killer na naaresto sa kanyang bahay at nasamsam ang bonnet, kalibre 38 baril,granada at ang motorsiklo na ginamit sa krimen.
- Latest