75-anyos na trader, itinumba
STA. ROSA, Nueva Ecija, Philippines — Nasawi ang isang 75-anyos na negosyanteng lalaki makaraang tambangan ng mga hindi kilalang salarin habang mag-isang binabagtas ang kahabaan ng Sta. Rosa Bridge sakay ng kanyang sport utility vehicle (SUV) sa Barangay La Fuente ng bayang ito, kamakalawa ng tanghali.
Kinilala ni Police Major Fortune Dianne Bernardo, officer-in-charge ng Sta. Rosa PNP, ang biktima na si Nicasio Yuson Jr., negosyante, may-ari ng isang manggahan at residente ng Barangay Sapang, Jaen, Nueva Ecija.
Nabatid sa ulat na bandang alas-12:45 ng tanghali noong Lunes, minamaneho ng biktima ang kanyang Toyota Fortuner, may plakang UPQ-427, at patungo umano sa Cabanatuan City nang tapatan siya ng salarin na naka-motorsiklo at walang habas na pagbabarilin.
Agad na tumakas ang mga suspek habang nagdulot ng mabigat na trapiko sa motorista na dumaraan sa nasabing tulay ang pagkakadiskaril ng sasakyan ng biktima.
- Latest
