Magsasaka inutas habang nag-aani
CANDELARIA, Quezon, Philippines — Patay agad ang isang magsasaka makaraang paulanan ng punglo ng hindi nakikilalang lalaki habang nag-aani ang biktima ng tanim na gulay sa Purok 2, Barangay Mangilag Norte ng bayang ito kahapon ng umaga.
Kinilala ng pulisya ang biktima na si Crisanto Sabanal, may asawa at residente sa nabanggit na lugar.
Ayon sa ulat, bandang alas-7:00 ng umaga habang nag-aani ng sitaw ang biktima nang lapitan ng hindi nakikilalang lalaki at walang sabi-sabing pinaulanan ng punglo gamit ang isang maiksing baril saka mabilis na tumakas.
Inaalam na ng pulisya ang motibo sa krimen at ang pagkakakilanlan ng suspek.
- Latest