Kelot binaril sa harap ng ama
STA. ELENA, Camarines Norte, Philippines — Patay ang isang 35-anyos na lalaki matapos na barilin habang nakaupo sa tabi ng kanyang tatay at mga kaibigan sa Purok-2, Brgy. Poblacion ng bayang ito kamakalawa ng gabi.
Napuruhan sa katawan at namatay habang isinusugod sa Rosary of Virgin Mary Hospital ang biktimang si Francis Anthony Barbasa, residente ng San Francisco Village 2, Brgy. Muzon, Taytay, Rizal at nagbabakasyon lang sa nasabing barangay.
Hindi naman nakilala ang nag-iisang gunman na tumakas patungo sa hindi malamang direksyon matapos ang pamamaril.
Sa ulat, dakong alas-10 ng gabi habang nakaupo sa loob ng pahingahang kubo ang biktima at nakikipagkuwentuhan sa kanyang tatay at mga kaibigan nang biglang sumulpot mula sa likuran ang suspek na nakasuot ng shorts, t-shirts at bullcap. Walang kaabug-abog na bumunot ng hindi malamang kalibre ng baril ang suspek at pinagbabaril ang biktima na agarang nasawi.
- Latest