2 ‘tulak’ utas sa Bulacan buy-bust
MALOLOS CITY, Philippines — Dalawang hinihinalang tulak ng ipinagbabawal na droga ang napatay ng mga otoridad sa magkahiwalay na drug bust operation kahapon ng madaling araw at Martes ng gabi sa siyudad ng San Jose del Monte (SJDM) at bayan ng Bustos sa Bulacan.
Kinilala ni P/Col. Lawrence Cajipe, Bulacan police director ang dalawang napatay na suspek na sina Alnor Liwa at isang alyas “Onin”.
Napatay si Liwa sa isinagawang drug buy-bust sa Bijasa road, Brgy. Gaya-gaya, SJDM dakong alas-2:15 ng madaling araw matapos na makipagbarilan sa mga pulis, nakatakas naman ang kasama nito. Narekober dito ang isang cal .38 pistol, apat na medium size transparent plastic sachet ng shabu at buy-bust money.
Dead-on-arrival naman sa pagamutan si alias Onin matapos na manlaban sa mga pulis at makipagbarilan sa isinagawang operasyon ng pulisya sa Brgy. Catacte, Bustos dakong alas-11:30 ng Martes ng gabi. Nakatakas ang kasamahan ni Onin sakay ng motorsiklo na tinutugis ng Bustos Police.
Narekober sa crime scene ang isang cal .38 revolver, 20 plastic sachet ng shabu at buy-bust money.
- Latest
