Parak itinumba ng tandem sa Bulacan
MALOLOS CITY , Philippines — Dead-on-the-spot ang isang pulis makaraang pagbabarilin ng riding-in-tandem sa Brgy. Bunga Menor sa Bustos, Bulacan kahapon.
Sa inisyal na report ng Bustos police ganap na 11:45 ng umaga nitong Sabado nang maganap ang ambush.
Kinilala ang biktima na si PCpl. Abdul S. Salipuddin, nasa hustong gulang.
Base sa paunang imbestigasyon, papasok sa trabaho ang pulis kung saan wala pang isang buwan siyang nalilipat sa Angat Police Station mula sa dati nyang assignment sa Calumpit Police Station.
Nabatid na lulan ng toyota Innova na kulay pula ang biktima na may plakang ZBT-866 kung saan malapitan siyang pinaputukan ng dalawang lalaki na nakasuot ng bonnet na armado ng Cal.45 sakay ng kulay itim na NMAX.
Matapos ang pamamaril mabilis na tumakas ang mga suspek patungo sa bahagi ng Bustos-San Rafael Bypass Road.
- Latest