Mag-amang sakay ng bangka, nalunod
Nagtangkang lumikas sa baha
LOPEZ, Quezon , Philippines — Kapwa bangkay na nang matagpuan kahapon ang mag-amang huling nakitang buhay na nakasakay sa bangka at tinatangkang lumikas patungo sa evacuation center noong kasagsagan ng bagyong Ulysses sa Barangay Tan-ag, dito.
Kinilala ang mga biktima na sina Allan, 22- anyos at Ayesha Rose Florido, 5-anyos; kapwa residente sa nabanggit na lugar.
Ayon sa ulat, noong nananalasa ang bagyong Ulysses sa lalawigan ng Quezon ay nakita ang mag-ama dakong alas-10:30 ng umaga na sakay ng bangka at binabagtas ang lubog na sa tubig-bahang palayan patungo sa evacuation center.
Mula noon ay hindi na nakita ang tatay at anak na paslit hanggang sa matagpuan ang mag-ama na wala nang buhay sa isang sapa.
Hinihinalang dahil sa lakas ng agos ng tubig ay hinampas ang sinasakyang bangka ng mag-ama at tuluyang tumaob na kanilang ikinalunod. — Joy Cantos
- Latest
