Mister nakuryente habang nag-aayos ng bubong
BUENAVISTA, Quezon, Philippines — Patay agad ang isang mister matapos na makuryente habang nagkukumpuni ng bubong ng kanilang bahay sa Barangay Wasay Ibaba, kamakalawa ng hapon.
Nakilala ang biktima na si Dande Aurellana, 55, magsasaka ng nasabing barangay.
Lumalabas sa imbestigasyon, alas 4:25 ng hapon habang nasa kasagsagan ng malakas na ulan ay umakyat sa bubong ng kanilang bahay ang biktima upang kumpunihin bilang paghahanda sa bagyong Ulysses.
Aksidente umanong napahawak sa live wire ng Quezon Electric Cooperative (QUEZELCO) ang biktima at dahil sa lakas ng boltaheng pumasok sa kanyang katawan ay umusok at nagkikisay ito.
- Latest