16 na nagsusugal sa lamayan, timbog
TUGUEGARAO CITY, Cagayan , Philippines — Nasakote ng mga otoridad ang 16 katao habang nakatakas ang isang barangay kapitan kasunod ng isinagawang raid sa pasugalan sa isang burol ng patay sa Brgy. Maynganay Norte, Sta Maria, Ilocos Sur kamakalawa ng gabi.
Kinilala ni Police Lieutenant Joel Desargo, hepe ng Sta. Maria Police Station ang nakatakas na opisyal ng barangay na si Chairman Ernesto Dasalla Jr., 70 na dumayo sa lugar mula sa kanyang teritoryo sa Barangay Maynganay Sur.
Nabatid na karamihan sa mga nadakma ng mga pulis ay pawang mga senior citizen na ang pinakamatanda ay edad 80.
Sa ulat, alas-6:00 ng gabi nang isagawa ng mga otoridad ang raid matapos makarating ang sumbong na may nangyayaring sugalan na paglabag sa quarantine protocols na kung saan ay walang mga suot na face mask at face shield.
- Latest
