Ilang bayan sa Quezon lubog sa baha
LUCENA CITY, Quezon, Philippines — Hindi pa man direktang dinaraanan ng bagyong Ulysses ang lalawigan ay nakaranas na agad ng pagbaha ang ilang bayan dito na pinalubog na rin ng mga nakalipas na bagyo.
Base sa ulat ng Provincial Disaster Risk Reduction Management Office (PDRRMO), tumaas agad ng hanggang leeg ng tao ang tubig sa ilang barangay sa Lopez,Quezon habang ang Barangay Canda Ibaba na lumubog at hindi nadaanan ng mga motorista noong nakalipas na mga bagyong Pepito at Quinta ay tumaas na rin bagama’t nadaraanan pa ng iba’t ibang behikulo.
Lubog na rin sa tubig baha ang ilang barangay sa Tagkawayan at Sampaloc, Quezon habang nagpatupad na ng mass evacuation sa mga residenteng malapit sa dagat at burol ang pamahalaang bayan ng San Narciso, Quezon.
- Latest
