Pulisya minomonitor na ang mga ‘person of interest’ sa pagpatay sa broadcaster
BAGUIO CITY , Philippines — Patuloy ang isinasagawang malaliman na monitoring ng mga pulis sa Ilocos region upang kanilang matukoy ang posibleng mga persons of interests sa pagpatay sa broadcaster na si Virgilio Maganes,62, noong Martes ng umaga sa bayan ng Villasis, Pangasinan.
Ayon kay Ilocos Region Police Director Brig. General Rodolfo Azurin Jr., na kanila nang inaalam ang ang pagkakakilanlan ng mga persons of interest na nakita sa CCTV footages malapit sa crime scene.
Lumikha na rin ng Task Force Group “Maganes” upang makapokus sa pagpatay sa biktima at nangako si Azurin na hahanapin nila ang mga suspek para mapanagot sa kaso.
Magugunita noong Martes ng alas-6:45 ng umaga ay naglalakad patungo sa kanilang bahay sa Licsab, Brgy. San Blas ang biktima nang lapitan ito ng isang motorsiklo lulan ang dalawang suspek at walang kaabog-abog na pinagbabaril ito.
- Latest
