Factory ng alcohol naabo sa sunog
CAVITE, Philippines — Aabot sa mahigit P2 milyong halaga ng mga sangkap, materyales at alcohol ang naabo matapos sumiklab ang malaking sunog sa isang factory o pagawaan ng alcohol sa lungsod ng Dasmariñas kamakalawa ng hapon.
Sa nakalap na ulat mula kay P/Master Sgt. Elmo Caboboy, alas-2:30 ng hapon nang makatanggap sila ng tawag sa ilang concerned citizen na may nagaganap na sunog sa Barangay Victoria Reyes, Dasmariñas City, Cavite.
Nabatid na tumagal ng mahigit sa anim na oras ang sunog sa factory bago tuluyang naapula ang apoy. Nagkaroon umano ng electric spark sa loob ng pabrika na siyang pinagmulan umano ng sunog. Dahil na rin sa panay likido at sangkap sa paggawa ng alcohol ang nasa loob ay mabilis itong kumalat hanggang sa tuluyang lamunin ng apoy ang buong pabrika. Wala namang naiulat na nasawi o nasaktan sa insidente.
- Latest
