9 kawani ng BIR may COVID-19

COTABATO CITY, Philippines — Siyam na kawani ng Bureau of Internal Revenue-District Office 107 sa Cota­bato City ang nagpositibo sa COVID-19, ayon sa ulat ng awtoridad kahapon.

Ayon kay Revenue District Officer Nora Maca­rambon, naka-isolate na ang mga nagpositibo sa virus at isinailalim naman sa mandatory swabbing­ ang 45 na iba pang kawani ng tanggapan sa pakiki­­pagtulungan ng Cotabato City Health Office.

Dahil dito, pansamantalang isinara ang na­­sabing tanggapan na matatagpuan sa SK Pendatun Avenue hanggang sa Biyernes, Nobyembre 7, matapos na magpositibo sa COVID ang 9 na kawani.

Babalik ang operasyon ng naturang opisina ng BIR sa Lunes.