PDEA agent timbog sa buy-bust
RIZAL, Philippines — Arestado ang isang ahente ng Philippine Drug Enforcement Agency (PDEA) sa ikinasang buy-bust operation ng mga awtoridad sa Antipolo City kamakalawa ng hapon.
Ayon kay PRO 4A Regional Director P/Brig. Gen. Vicente Danao Jr., ang suspek ay nakilalang si Florence Dolatre Jr., 45, miyembro ng PDEA Laguna at residente ng #9 Acacia St., Evergreen Executive Village, Brgy. San Roque, Antipolo City, Rizal.
Sa ulat ng Antipolo City Police kay Danao, alas-5:35 ng hapon nang maaresto ng mga awtoridad ang suspek sa Circumferential Road sa Brgy. San Roque.
Nauna rito, nakatanggap ng tip ang pulisya hinggil sa ilegal na aktibidad ng suspek kaya agad silang nagkasa ng buy-bust operation na nagresulta sa pagkakaaresto nito.
Narekober mula sa suspek ang dalawang bricks ng hinihinalang pinatuyong dahon ng marijuana, P1,000 buy-bust money, mga boodle money, isang cellphone, iba’t ibang identification cards at isang asul na Mitsubishi Pajero na may plakang XJA-563.
- Latest
