P89 milyong shabu nasabat sa 3 ‘tulak’ sa Cavite
CAVITE, Philippines —– Muling umiskor ang mga ahente ng Philippine Drug Enforcement Agency (PDEA) matapos nilang maaresto ang tatlong hinihinalang kilabot na drug pushers at masamsaman ng nasa P89 milyong halaga ng shabu sa matagumpay na buy-bust operation sa Imus City kahapon ng umaga.
Kinilala ng PDEA ang mga nadakip na sina Javier Mala, 32- anyos; Bino Sampaco, 43; kapwa ng Barangay Datu Esmael, Dasmariñas City at Mira-ato Macarampat, 27, residente ng Buhay na Tubig, Imus City, Cavite.
Sa inisyal na ulat ng PDEA, alas-9:00 ng umaga nang kanilang ikasa ang operasyon laban sa tatlong suspek matapos ang ginawang transaksyon sa harap ng isang kilalang fast food chain sa Molino Road, Brgy. Buhay na Tubig.
Nakuha mula sa mga suspek ang nasa 13 kilo ng shabu na nagkakahalaga ng P89 milyon.
- Latest
