SK tserman dedo sa road crash
LEGAZPI CITY, Albay, Philippines — Nasawi ang isang tserman ng Sangguniang Kabataan matapos na mabasag ang kanyang ulo makaraang sumemplang ang minamanehong motorsiklo dahil sa malakas na ulan sa Brgy. Bolos, Irosin, Sorsogon kamakalawa ng gabi.
Patay agad dahil sa inabot na matinding pinsala sa ulo ang biktimang si Marvin Mimay Barredo, binata at residente ng nasabing barangay.
Sa ulat, dakong alas-7:30 ng gabi mula sa bayan ay lulan ng kanyang motorsiklo ang biktima at binabagtas ang kahabaan ng kalsada patungo sa kanilang barangay nang gumewang ito at sumemplang sa sidewalk dahil sa madulas na daan bunsod ng malalakas na pagbuhos ng ulan. Tuluy-tuloy na nahulog ang biktima sa walang takip na gutter ng kalsada at bumagok ang ulo nito sa semento sanhi ng kanyang agarang kamatayan.
- Latest