Bagong armas, sasakyan binigay sa Baguio Police
MANILA, Philippines — Mas magiging epektibo na ang pagpapatupad ng batas sa Baguio City matapos magbigay ng karagdagang baril at service vehicle ang lokal na pamahalaan dito para sa kanilang himpilan ng pulisya.
Pinangunahan nina PNP chief General Camilo Cascolan at City Mayor Benjamin Magalong ang isinagawang turn over ng mga bagong gamit ng Baguio City Police. Kabilang sa mga ibinigay ay ang 200 units ng caliber 5.56 Galil rifles na mayroong 72,000 rounds ng mga bala, 100 piraso ng Landlite glow in the dark flashlights at isang Toyota vehicle. Ipinagkaloob ito sa Baguio City Police Office matapos ang ginawang flag raising ceremony sa Baguio City Hall kamakalawa.
Samantala, nagbigay din si Magalong ng P7,200,000 na halaga sa Baguio City Police para sa pagbili naman ng mga base and handheld radio.
- Latest