Kawani ng PSA, itinumba

TUGUEGARAO CITY, Cagayan , Philippines — Pinabulagta ng pinaniniwalaang bayarang berdugo ang isang miyembro ng LGBT na kawani ng Philippine Statistics Authority (PSA) habang nagsasara sa kanyang meat shop sa Brgy. Pagdaraoan, San Fernando City, La Union, kamakalawa.

Kinilala ni Police Lt. Colonel Orly Pagaduan, hepe ng San Fernando City Police ang nasawing si Gilyore Gurion, 22, residente ng Barangay Lingsat sa naturang lungsod.

Ayon sa report,alas-8:30 ng gabi ay inililipit na ng biktima ang mga paninda nitong barbecue sa labas ng kanyang puwesto nang lapitan ng isang suspek at barilin.

Nang masigurong napatay ang biktima ay tumakas ang gunman sakay ng isang sasakyan na hindi naplakahan ng mga kasama ng biktima. - Raymund Catindig