2 college students tiklo sa marijuana
CANDELARIA, Quezon, Philippines — Magkasama hanggang sa kulungan ang magkaibigang kapwa college student makaraang malambat sa anti-drug operation ng mga operatiba ng Provincial at Municipal Drug Enforcement Unit sa Brgy. Mason Sur ng bayang ito kamakalawa ng gabi.
Kinilala ang mga suspek na sina Vincent Ca-ringal, 21, binata ng Brgy. Malabanban Norte at John Lloyd Cueto, 21, binata ng Brgy. Mason Sur; pawang sa Candelaria.
Sa ulat, alas-10:30 ng gabi nang isagawa ng mga operatiba na pinamumunuan ni P/Capt. Reynaldo Dalumpienes ang buy-bust operation laban sa dalawa. Nagpanggap na buyer ng marijuana ang isang pulis at bumili sa mga suspek sa halagang P9,000. Nang magpositibo ang operasyon, agad na dinakma ang dalawang estudyanteng tulak.
Aabot sa mahigit sa P50,000.00 halaga ng pinatuyong dahon ng marijuana ang nakum-piska buhat sa mga suspek bukod pa sa isang pirasong P1,000 marked money, walong pirasong P1,000 na boodle money at isang motorsiklo.
- Latest