52 na tinamaan ng COVID-19 sa slaughterhouse

TUGUEGARAO CITY, Cagayan, Philippines — Nagtala ng 52 na kaso ng COVID-19 ang Sto. Niño slaughterhouse sa Baguio City kung saan karamihan sa nagposi­tibo ay mga matador bunsod ng laklakan, ayon kay Mayor Benjamin Magalong kamakalawa.

Sinabi ni Magalong na sa 106 na sumailalim sa swab test sa lugar; 63 ang mga matador na rektang kumakatay ng mga hayop at 43 ang pawang mga kawani ng City Veterinary Office.

Anim sa mga kawani ng City Veterinary Office ang kabilang sa nagpositibo sa virus.

Dahil sa pagtaas ng kaso ng hawaan sa lugar bunsod ng walang humpay na laklakan doon; isinailalim sa lockdown ang slaughterhouse noong Lunes subalit muling binuksan noong Huwebes.