Mister kinatay ng kaanak
LEGAZPI CITY, Albay, Philippines — Patay ang isang 59-anyos na mister matapos na pagsasaksakin ng nakaalitang kamag-anak sa harap mismo ng kanyang bahay kamakalawa ng gabi, dito.
Tinangka pang isugod ng kanyang anak sa Albay Doctors Hospital si Jose Balderama Bermundo pero idineklara siyang dead-on-arrival habang naaresto ng mga rumespondeng pulis ang suspek na si Roy Balderama Balinsayo, 26-anyos; pawang residente ng Brgy. 50 Padang, nasabing lungsod.
Sa ulat, dakong alas-7 ng gabi, dumaan ang suspek sa harap ng bahay ng biktima nang sa hindi malamang dahilan ay nagkaroon ng pagtatalo ang dalawa.
Sa gitna ng kanilang bangayan, biglang bumunot ng patalim ang suspek at pinagsasaksak sa iba’t ibang bahagi ng katawan ang biktima na duguang humandusay.
- Latest