Rider nalaslas ang leeg sa tali ng saranggola
TUGUEGARAO CITY, Cagayan , Philippines — Isang 36-anyos na rider ang patay at halos humiwalay ang kanyang ulo matapos tamaan ang kanyang leeg ng nylon string ng lumilipad na saranggola, habang nagpapatakbo ng motorsiklo ang biktima sa Brgy. Cabalengegan, Vigan City, Ilocos Sur kamakalawa.
Kinilala ang nasawi na si Benedict Paiste, isang electrician.
Ayon sa angkas na si Reynante Pugal, nabigla na lamang siya nang biglang natumba ang kanilang motorsiklo at makitang pumupusitsit na ang dugo mula sa leeg ng kasamang si Paiste dakong alas-4:30 ng hapon.
Sinikap isugod ng mga sumaklolo si Paiste sa Gabriela Silang General Hospital subalit idineklara na siyang patay.
Pinag-aaralan pa ng mga awtoridad ang maaaring pananagutan ng may-ari ng saranggola na isang menor-de-edad.
- Latest
