Pekeng pulis todas sa buy-bust
TUGUEGARAO CITY, Cagayan , Philippines — Bulagta ang isang notoryus na drug suspect na nagpapakilalang pulis matapos manlaban sa ikinasang buy-bust operation ng awtoridad sa Brgy. Camanacsacan, San Jose City, Nueva Ecija kahapon.
Kinilala ni Lt. Colonel Heryl Bruno, hepe ng San Jose City Police ang napatay na si Joel Tubera alyas “Kano”, 42-anyos, taga-Barangay Sinipit Bubon ng lungsod at umano’y nagpapanggap na pulis habang nasasangkot sa drug trade sa Nueva Ecija.
Ayon sa report, nakipagpalitan ng putok sa mga operatiba si Tubera nang mahalatang pulis ang pinagbentahan nito ng isang sachet na shabu.
Nakatakas naman ang alalay ng natumbang tulak sakay ng motorsiklo sa gitna ng nangyaring engkuwentro dakong ala-1:20 ng madaling araw.
Narekober sa lugar ang ginamit ni Tubera na isang cal. 38 rebolber na paltik matapos ang insidente.— Christian Ryan Sta. Ana
- Latest
