Mag-ina swak sa droga

LEGAZPI CITY, Albay, Philippines — Kalaboso ang isang mag-ina matapos maaresto sa inilatag na buy- bust operation sa kanilang bahay sa Zone-4, Brgy. Balagbag sa bayan ng Milaor, Camarines Sur, kamakalawa ng gabi.

Sinampahan ng kasong paglabag sa dange­rous drugs act ang mag-inang sina Nenita Babilonia Puyo, 50-anyos at anak nitong si Christian, 28-anyos, pawang residente ng nasabing lugar.

Sa ulat, alas-10:30 ng gabi nang ilatag ang buy-bust operation laban sa mga suspek ng Pro­vincial Intelligence Unit, Provincial Mobile Force Company, Sipocot police at Milaor Police at hindi na nakatakas ang mga suspek nang arestuhin makaraang i-abot sa pulis na poseur buyer ang biniling droga. Ang mag-ina ay drug watchlist ng pulisya.