P1 milyong droga nasamsam sa raid, 1 timbog
TUGUEGARAO CITY, Cagayan, Philippines — Mahigit isang milyong pisong halaga ng droga ang nasamsam ng awtoridad sa isinagawang raid sa tiangge ng umano’y mag-live in na “tulak” sa Brgy. Quezon, Cabugao, Ilocos Sur kamakalawa.
Sa report ng pulisya, nagawang makapuslit ni Rodel Aquino, 40, nang salakayin ng raiding team ang kanilang teritoryo sa bisa ng search warrant na ipinalabas ni Vigan City RTC Judge Cecilia Corazon Archog.
Nabatid na 27 sachet ng shabu ang nakuha sa pag-iingat ni Donna Salom, 44, na umano’y girlfriend ng nakatakas na si Aquino.
Nasa mahigit 100 gramo ng hinihinalang shabu ang nasamsam sa pagsalakay at nakuha rin sa pag-iingat ni Salom ang isang cal.22 na paltik at sari-saring drug paraphernalia.
- Latest