Tirador ng trike natimbog
NUEVA ECIJA, Philippines — Arestado ang isang lalaki na tumangay ng isang kolong-kolong na tricycle habang itinatakas ito sa Barangay Bagumbayan, General Llanera, dito kamakalawa ng hapon.
Ayon sa General Llanera Police, hinabol at naaresto ng kanilang mga kagawad sa katabing bayan na Rizal, ang suspek na nakilalang si Ernesto Ilagan III, alyas “Estong”, 25, ng Barangay Labi, Bongabon, Nueva Ecija.
Sa imbestigasyon, mag-aalas-4 ng hapon nang tangayin umano ng suspek ang kolong-kolong na service vehicle ng negosyanteng si Laverlyn Javier, may-asawa, ng nasabing barangay, sa harap pa mismo ng tindahan nito.
Humingi ng tulong si Javier sa nakasalubong na rumorondang police mobile patrol kaya agad na tinugis ang suspek sanhi ng kanyang pagkakaaresto.
- Latest