Ex-pulis na ‘top 1 wanted’ nalambat

CAVITE , Philippines — Isang retiradong pulis na itinutu­ring na “Top 1 Wanted Person” ng municipal level ang naaresto sa pagsalakay ng pulisya sa kanyang lungga kamakalawa ng hapon sa Brgy. Sahud Ulan, Tanza Cavite.

Sa bisa ng warrant arrest sa kasong murder,  hindi na nakapalag nang dakpin ng mga da­ting kabaro ang suspek na nakilalang si Virgilio Obogne,  60-anyos, may asawa at residente ng B1 L34, Phase 2, Lanzones St., Micara Subd., Brgy. Sahod Ulan, Tanza, Cavite.

Dakong alas-3 ng hapon nang abutan ng mga operatiba ang suspek sa kanyang bahay at kusang loob naman siyang sumama sa raiding team.