Misis na ayaw magpahalik todas kay mister
NORTH COTABATO , Philippines — Hindi na umabot ng buhay sa ospital ang isang 70-anyos na ginang matapos na pagsasaksakin ng kanyang mister dahil ayaw itong magpahalik naganap sa Purok 10, Barangay Poblacion, Makilala, kamakalawa.
Ang nasawing biktima ay kinilalang si Leonides Lupian Tuadles habang ang suspek ay ang kanyang mister na si Leonardo Empanado Tuadles, 72.
Sa salaysay ng apo ng mag-asawa sa pulisya, bandang alas-3:30 ng hapon nang matagpuan ang nakahandusay sa sahig ang kanyang lola at lolo na naliligo sa kanilang sariling dugo dahil sa tama ng saksak sa ibat-ibang bahagi ng kanilang katawan.
Ang dalawa ay dinala sa ospital,subalit idineklarang dead on arrival ang ginang habang nakaligtas at nagpapagaling na ang suspek.
Sa salaysay ng suspek sa pulisya sila ay nagkaroon ng mainitang pagtatalo ng mag-asawa sa nakalipas na mga araw dahil hindi na umano nagpapahalik ang biktima.
Kaya’t nagalit ang mister at pinagsasaksak ang asawa at nang bumulagta ay nagsaksak rin ito sa sarili.
- Latest