3 killer ng chief of police, tukoy na
MANILA, Philippines — Nakilala na ng mga awtoridad ang tatlo sa limang responsable sa pamamaslang sa hepe ng Carmen Police sa North Cotabato.
Ayon kay North Cotabato Police Director Police Col. Henry Villar, mayroon na silang malinaw na pagkakakilanlan sa tatlong gunmen na bumaril at nakapatay sa isang negosyanteng Bumbay at gayundin sa hepeng si Major Joan Resurreccion na napatay ng mga holdaper sa hot pursuit operations.
Sinabi ni Villar na nagsasagawa na ng dragnet operations ang Carmen Police katuwang ang intelligence units ng North Cotabato Police at maging ang Philippine Army sa mga salarin. Aniya, ang mga suspek ay kasapi ng isang sindikato na aktibong nag-o-operate sa North Cotabato at mga kalapit na lugar. Target nila ang mga dayuhan kabilang ang mga Bumbay na may money lending business o 5-6.
Magugunita na hinoldap ng mga suspek at pinaslang ang negosyanteng si Lovepretch Singh Brar, 25 anyos ng Brgy. Poblacion ng bayang ito. Nagresponde at pinangunahan ni Resurreccion ang hot pursuit operations laban sa mga holdaper pero nasawi siya sa palitan ng putok sa mga suspek.
- Latest