Pulis-Bulacan tiklo sa extortion
BOCAUE, Bulacan, Philippines — Isang pulis na naka destino sa Bocaue police station na sangkot umano sa robbery-extortion ang inaresto ng Anti-Scalawag Unit ng Philippine National Police nitong Linggo.
Ayon kay Brig.Gen. Ronald Lee, hepe ng Integrity Monitoring and Enforcement Group, si Master Sgt. David Gatchalian ay inaresto sa harap ng kanyang bahay sa Mendoza St., Brgy. Lolomboy, Bocaue, Bulacan dakong alas-6:45 ng Sabado ng gabi sa inilatag na entrapment operation.
Napag-alaman na isinasangkot si Gatchalian sa umano’y pananakot at pangingikil ng pera sa mga drug personalities sa nasabing bayan kapalit ng ibibigay nitong proteksyon sa kanilang drug activities.
Naaresto ang suspek matapos na tanggapin nito ang P10,000 boodle money at Samsung phone mula sa isang umano’y kinikikilan nito.
- Latest
