HVT sa Aurora arestado sa droga
SANTIAGO CITY, Isabela, Philippines — Isang high value target (HVT) ang inaresto matapos makuhanan ng mahigit P.2 milyong halaga ng shabu sa isinagawang drug raid ng mga awtoridad sa San Luis, Aurora, ayon sa ulat kahapon.
Sa report ni Regional Director Christian Frivaldo ng Philippine Drug Enforcement (PDEA) Region 3 kay Director General Wilkins Villanueva, nakilala ang suspek na si Conrado Cruz, 54, ng Barangay San Isidro sa nabanggit na bayan at itinuturing na HVT sa nasabing lalawigan.
Armado ng isang search warrant ay nilusob ng pinagsanib na puwersa ng PDEA Region 3, Aurora Provincial Office, Regional Drug Enforcement Unit (RDEU), Provincial Intelligence Unit, 1ST APPMFC at 300TH AISW- Philippine Air Force ang lungga ng suspek, nitong Huwebes bago maghating gabi.
Nasamsam ng mga operatiba ng pamahalaan mula kay Cruz ang 6 platic sachet na nasa 30 gramong shabu na may street value na P204,000.
- Latest
