Nigerian nalambat sa P6.8 milyong shabu
MANILA, Philippines — Isang Nigerian national ang dinakip nang makuhanan ng isang kilo ng shabu na nagkakahalaga ng P6.8 milyon ng mga elemento ng Philippine Drug Enforcement Agency (PDEA) sa isinagawang buy bust operation Bacoor City,Cavite.
Nakilala ang naaresto na si Ifeanyi Ukoji y Chukwu, Nigerian, 36, ng Barangay Mambog III, Bacoor City, Cavite.
Batay sa report, isinagawa ang buy-bust operation dakong alas-11:30 ng tanghali ng pinagsanib na elemento ng PDEA Regional Office IV-A Special Enforcement Team (PDEA RO IV-A RSET), PDEA Quezon, PDEA Cavite, at Bacoor City Police Station sa parking lot ng isang fast food sa Molino Boulevard, Barangay Talaba IV, Bacoor City.
Inaresto si Ukoji ng mga operatiba matapos na iabot sa isang agent na nagpanggap na buyer ang ilegal na droga.
Nasamsan ng mga otoridad sa suspek ang 1,000 grams ng shabu na nagkakalaga ng P6.8 milyon at marked money.
- Latest